1. ვინ ვართ და რას ეხება ეს პოლიტიკა

ვეტმენს მართავს შპს ტელვო (საიდენტიფიკაციო კოდი 205218334). პერსონალურ მონაცემებთან დაკავშირებულ საკითხებზე გამოიყენეთ კონტაქტის გვერდი.

ეს პოლიტიკა ეხება vetman.app-ის საჯარო საიტისა და ვეტმენის ვებაპლიკაციის ვიზიტორებს, ანგარიშის მფლობელებს, რეგისტრაციის მსურველებს, დემოს სტუმრებს და პირებს, რომლებიც გვიკავშირდებიან.

2. ჩვენი როლი

ჩვენ ვართ მონაცემთა დამუშავებისთვის პასუხისმგებელი პირი, როცა ვამუშავებთ საიტის ვიზიტორის, ანგარიშის მფლობელის, რეგისტრაციის მსურველის, დემოს სტუმრისა და ჩვენთან მომწერის მონაცემებს.

კლინიკის კლიენტებისა და მათი ცხოველების ჩანაწერებზე პასუხისმგებელი პირი შესაბამისი კლინიკაა. ამ შემთხვევაში ვეტმენი არის უფლებამოსილი პირი და მონაცემებს მხოლოდ კლინიკის დავალებით ამუშავებს. თუ თქვენ კლინიკის კლიენტი ხართ, პირველ რიგში შესაბამის კლინიკას მიმართეთ.

3. რა მონაცემებს ვამუშავებთ, რატომ და რა საფუძვლით

ჩვენ არ ვამუშავებთ განსაკუთრებული კატეგორიის მონაცემს ჩვენი, როგორც პასუხისმგებელი პირის, როლში, და არ ვიღებთ ავტომატურ გადაწყვეტილებას ადამიანის შესახებ.

Google-ისა და Facebook-ის access token მხოლოდ ავტორიზაციის პასუხის მისაღებად გამოიყენება. ვეტმენი პროვაიდერის access token-ს ან refresh token-ს არ ინახავს.

4. ქუქი და ანალიტიკა

ვებაპლიკაცია იყენებს აუცილებელ სესიის ქუქის, რომლის გარეშე სისტემაში შესვლა და უსაფრთხო სესიის შენარჩუნება ვერ იმუშავებს. ვებაპლიკაციაში მესამე მხარის ანალიტიკური ტრეკერი არ არის.

საჯარო vetman.app საიტი გვერდის გახსნისას ტვირთავს Google Analytics 4-ს. ანალიტიკის მიერ გამოყენებული ტექნიკური მონაცემები და ბრაუზერით მათი შეზღუდვის გზები აღწერილია ქუქის შეტყობინებაში.

5. ვის გადაეცემა

• სერვერის ინფრასტრუქტურა: DigitalOcean-ის ფრანკფურტის რეგიონი, გერმანია;
• ელფოსტა: ჩვენი საფოსტო ინფრასტრუქტურა, სისტემური და მხარდაჭერის წერილებისთვის;
• SMS: uBill, მხოლოდ მაშინ, როცა მომხმარებლისთვის SMS იგზავნება;
• Google: საჯარო საიტის ანალიტიკისთვის და, მომხმარებლის არჩევით, Google-ით შესვლისთვის;
• Meta: მხოლოდ მომხმარებლის არჩევით Facebook-ით შესვლისთვის;
• სახელმწიფო ორგანო ან სხვა პირი: როცა ამას კანონი გვავალდებულებს ან სამართლებრივი მოთხოვნის დაცვა მოითხოვს.

კლინიკის სამუშაო მონაცემებთან დაკავშირებული AI ფუნქცია მხოლოდ კლინიკის მითითებით მუშაობს და ამ შემთხვევაში დამუშავება კლინიკის სახელით ხდება.

მონაცემს არ ვყიდით და სარეკლამო მიზნით მესამე პირს არ გადავცემთ.

6. საზღვარგარეთ გადაცემა

ჰოსტინგისა და ზოგი ტექნოლოგიური პროვაიდერის გამო მონაცემი შეიძლება დამუშავდეს საქართველოს ფარგლებს გარეთ, მათ შორის გერმანიაში ან პროვაიდერის ინფრასტრუქტურის სხვა ქვეყანაში. ასეთ შემთხვევაში ვიყენებთ ხელშეკრულებით, პროვაიდერის პირობებითა და მოქმედი კანონით გათვალისწინებულ დაცვის ზომებს.

7. რამდენ ხანს ვინახავთ

მონაცემს ვინახავთ მხოლოდ იმ ხნით, რაც საჭიროა ამ პოლიტიკაში აღწერილი მიზნისთვის, ანგარიშის ან ხელშეკრულების მოქმედებისთვის, უსაფრთხოებისა და სამართლებრივი მოთხოვნების დასაცავად.

• ანგარიშისა და მასთან დაკავშირებული Google/Facebook იდენტობის ჩანაწერი ინახება ანგარიშის მოქმედების განმავლობაში და წაიშლება ან გაიმიჯნება დადასტურებული მოთხოვნის საფუძველზე, გარდა იმ ნაწილისა, რომლის შენახვაც კანონით ან სამართლებრივი მოთხოვნის დასაცავად გვჭირდება;
• პროვაიდერის access token და refresh token არ ინახება;
• შესვლის წარუმატებელი მცდელობის IP ჩანაწერი ავტომატურად იშლება ერთი დღის შემდეგ;
• სესია სრულდება 8 საათის უმოქმედობისას და ნებისმიერ შემთხვევაში 24 საათში;
• უსაფრთხოების, აუდიტისა და მიმოწერის ჩანაწერები ინახება მხოლოდ ოპერაციული, უსაფრთხოების და სამართლებრივი საჭიროების შესაბამისი პერიოდით;
• ბუღალტრული ჩანაწერები ინახება კანონით მოთხოვნილი ვადით;
• სარეზერვო ასლებში მონაცემი შეიძლება დარჩეს მათი დაცული შენახვის ციკლის დასრულებამდე და ამ პერიოდში გამოიყენება მხოლოდ აღდგენისთვის.

8. თქვენი უფლებები

მოქმედი კანონით გათვალისწინებულ ფარგლებში შეგიძლიათ მოითხოვოთ ინფორმაცია თქვენი მონაცემების შესახებ, მათი ასლი, შესწორება, განახლება, დამუშავების შეზღუდვა, დაბლოკვა, წაშლა ან განადგურება, ასევე თანხმობის გაუქმება და საჩივრის წარდგენა.

მოთხოვნა გამოგზავნეთ კონტაქტის გვერდიდან და ფორმაში მიუთითეთ თქვენს ანგარიშთან დაკავშირებული ელფოსტა. უსაფრთხოებისთვის შეიძლება მოგთხოვოთ ვინაობის დამატებითი დადასტურება, მაგრამ ელფოსტით პაროლს არასდროს მოგთხოვთ. მონაცემების წაშლის დეტალური ნაბიჯები მოცემულია /legal/data-deletion გვერდზე. მოთხოვნას ვუპასუხებთ კანონით დადგენილ ვადაში.

თუ მოთხოვნა ეხება კლინიკის კლიენტის ან ცხოველის ჩანაწერს, მისი შესრულების შესახებ გადაწყვეტილებას შესაბამისი კლინიკა იღებს. თუ ჩვენი პასუხი არ დაგაკმაყოფილებთ, შეგიძლიათ მიმართოთ საქართველოს სახელმწიფო აუდიტის სამსახურს, რომელიც პერსონალურ მონაცემთა დაცვის სფეროს ზედამხედველობს, ან სხვა კომპეტენტურ ორგანოს.

9. უსაფრთხოება

• პაროლი ინახება ჰეშირებულად; SMTP-ის, SMS-ის და AI-ის გასაღებები დაშიფრულია (AES-256-GCM).
• კავშირი HTTPS-ითაა; სესიის ქუქი httponly, samesite=Lax და secure-ია.
• სესია იხურება 8 საათის უმოქმედობისას და ნებისმიერ შემთხვევაში 24 საათში.
• შესვლა შეზღუდულია: ანგარიშზე 5 წარუმატებელი მცდელობა ბლოკავს 15 წუთით, ერთი IP-დან 20 მცდელობა 15 წუთში.
• ყოველი ორგანიზაცია თავის მონაცემებს ხედავს; როლი განსაზღვრავს, ვინ რას ხსნის.
• ატვირთული ფაილი პირდაპირი ბმულით არ გაიცემა: ჯერ შესვლა და ორგანიზაცია მოწმდება.
• ჩაწერები და შესვლა აუდიტის ჟურნალში იწერება.

არც ერთი სისტემა არ არის აბსოლუტურად დაცული. ინციდენტის შემთხვევაში ვიმოქმედებთ მოქმედი კანონისა და ჩვენი ინციდენტზე რეაგირების პროცედურის შესაბამისად.

10. ცვლილება

პოლიტიკის ახალ ვერსიას გამოვაქვეყნებთ ნომრითა და ძალაში შესვლის თარიღით. ძველი ვერსიები არქივში დარჩება. მნიშვნელოვანი ცვლილების შესახებ ანგარიშის მფლობელს შესაბამისი არხით შევატყობინებთ.